तमाङहरुको एक महापर्बका रुपमा मनाईने तेमाल जात्रा आज बैद्धमा विविध धार्मीक र संस्कृतिक कार्यक्रमका साथ सम्पन्न भयो । सदियौदेखि मनाउदै आएको यो जात्रा चैत्र पुर्णिमाको अघिल्लो दिन बौद्ध स्तुप र भोलिपल्ट बालाजुको बाइसधारामा स्नान गर्दै स्वयम्भु स्तुपा पुगी सम्पन्न हुने गरेको छ । आज बौद्ध परिसर र परीसर बाहिर जात्रामा पराम्परागत तामाङ जुहारी प्रतियोगीता पनि रहेको थियो । जात्राको सुरुवातको दिन बौद्धमा मृतकहरुको पितृ मोक्षका र आत्माको शान्तिका लागि बत्ती बाल्ने, लामा पुरोहितबाट पुजापाठ मोलम गर्ने चलन छ । बत्ती बाल्नेहरु आज रातभर जाग्राम बस्छन अनि भोलि विहानै बाइसधारा स्नानपछि स्वयम्भुमा पुगी जात्रा सकिने परम्परा छ । रातभर जाग्राम बस्दा तामाङहरु मौलिक फाबारी, सेलो को भाकामा मायाप्रितिको गीत गाउने गरिन्छ । यसरी गीत गाउदै स्वयम्भु पुगेपछि जात्रा समापन हुन्छ ।
यस जात्रालाई बौद्धबासीले तेमाल जात्रा र तेमालबासीले बौद्धको जात्रा भन्ने गरेका छन् । यस जात्रामा काभ्रे तिमाल, सिन्धुपाल्चोक, दोलखा, ललितपुर, नुवाकोट, धादिङ, काठमाडौं वरिपरि तथा देशका विभिन्न स्थानबाट तामाङहरुको सहभागिता रहने गरेको छ ।
No comments:
Post a Comment